Jab kisi say koi...
Jab kisi say koi gila rakhna,Saamnay apnay aaiana rakhna.
Yunh ujalon say vaasta rakhna,
Shama kay paas hi hawa rakhna.
Ghar ki taameer chahay jaisee ho,
Ismay ronay ki kuch jagah rakhna.
Masjiday hain namazion kay liyey,
Apnay ghar mein kahin khuda rakhna.
Milna julna jahan zaroori ho,
Milnay julnay ka hausla rakhna.
Jab kisi say koi gila rakhna,
Saamnay apnay aaiana rakhna.
 |
 |
 |