"Haal-e-hijar"
Kisko maaloom tha din yeh bhi aayengeUnki ek jhalak ko nain taras jaayenge
Haal yeh kaisa hai? saal yeh kaisa hai?
Ik ik pal lamba ik saal jaisa hai
Dil ka kya hai phir manaa lenge
Hume dard-e-dil ki kya davaa denge?
Mann machla hai yoon ki mushkil sambhulna hai
Phir unki aahosh me khoneki tamanna hai
Baahon me unki jab pure armaan humare honge
Aur bhi haseen tab saare yeh nazaare honge
Unpe dil-o-jaan lutaaneko jee chaahta hai
Paas unke aake na jaaneko jee chaahta hai
Jasbaat ubharkar aakhon mein na aane denge
Palkon pe kaapte hue sitaare na girne denge
Zaahir dabi mohabbat unpey karni nahi hai
Varna judaai seh na paayenge hume yakeen hai...
 |
 |
 |